Diasabra anochi a drenta informe di un caso di bringamento cu hincamento na un adres conosi na Sero Janchi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso di bringamento pa reglamento di cuenta. Unda un hoben a bay coy un palo pa defende su curpa y resulta hinca. Ela core yega na e cas y pidi pa ayudo, ela cay abao y no por move. Na yegada di e ambulans mesora a atende e hoben y a nota cu e herida ta basta profundo y mesora a hib’e hospital. Na e sitio tabata tin varios testigo cu a mira locual a sosode. Por a compronde cu e hoben tabata tin un tas cun’e y esaki un tal S. cual ta esun cu a propin’e e hinka lo a bay cu e tas cual contenido ta desconosi.