Diasabra madruga a drenta informe di un accidente cu hende seriamente herida y pega den e auto riba e “Green Corridor” na altura di Young Fellow, mesora a dirigi tanto polis, ambulans y hasta bomberonan na e sitio. Na yegada di e patruya a bin compronde cu aki ta trata di un accidente unda e chauffeur di un Toyota Corolla grijs coriendo cu velocidad halto a perde control y a bay bolter algun biaha. Na e chauffeur mes a ser saca cu ayudo di mirones cu a yega prome na e sitio y a pone banda di e vangrailsnan. Segun e chauffeur mal herida y yen di dolor a bisa cu e lo tabata tin un dama como ocupante pero e mironesnan cu a yega prome a bisa ta e chauffeur so tabata den e auto. Polisnan y bombero a busca rond den e area pa wak si lo por haya e posibel otro ocupante den e area y a keda di check cu hospital si un otro persona herida lo por a yega caba. Pero esaki no a haya respuesta. Na yegada di e ambulans nan a atende e victima stabilis’e y transporte pa hospital.