Diahuebs atardi a drenta informe di un accidente cu hende herida pariba di e rotonde airport, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Mazda Demio bayendo pabao a perde control bay dal tubo grandi y despues bay para otro banda di e caminda. Debi na e impacto e chauffeur a resulta herida. Na yegada di e ambulans nan a atende y a transporte pa hospital.
