Diadomingo anochi a drenta informe di un accidente cu hende herida panort di e rotonde Tanki Flip, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un E-Star y un Hyundai Accent unda e chauffeur di e E-Star no a regula su velocidad ni a mantene distancia a bay dal tras di e Accent. Debi na e fuerte impacto e dama chauffeur di e Accent a resulta herida. Na yegada di e ambulans nan a atende e dam y a transporte pa hospital.