Candela grandi na e edificio di ex-Chinese Club, bomberonan luchando fuerte! Dialuna mainta a drenta informe di cu tin un candela grandi na San Nicolas, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un edificio abandona y cu un tempo tabata e ex-edificio y club chines cu tabata completamente na candela. Na yegada di e bomberonan a nota cu en berdad e edificio tabata casi ful na candela y a cuminsa di biaha cu e combate duro y directo. A pidi ayudo di mas unidad di bombero. For di leu por wak e cantidad di huma cu tabata sali for di edificio na candela. Despues di e combate duro y directo a logra domina e candela. Aparentemente den e edificio aki tabata tini dos adicto ambulante ta biba, probablemente nan lo por a pega esaki na candela. UPDATE: Den oranan di anochi a bolbe drenta informe cu e candela a medio llanta bek.