E buskeda di e 4 piscado nan a sigui riba dialuna mainta. For di mainta trempan a pidi personal di e avion Dash-8 di Wardacosta pa continua cu e buskeda. A base di diferente calculacion nan cu personal di centro maritimo operacional a haci, a plania un ruta nort cerca di Colombia. A pidi Colombia pa permit pa asina por busca den area. Esaki tabata posibel. E avion Dash-8 a bula for di mainta te merdia y despues a bolbe lanta bek den ora nan di atardi te cu despues cu solo a baha.

Autoridadnan di Venezuela y Colombia ta na altura di e caso y tambe ta contribui cu e buskeda. Mañan lo determina con lo continua cu e buskeda. Gobierno di Aruba ta na altura di e caso y ta informa prome minister y tambe famia di e 4 persona nan constantemente di tur paso cu ta tumando.