MACUARIMA, ARUBA:  Despues di e Pre-Master exitoso aña pasa, Cuerpo Policial Aruba ta keda enfoka riba profesionalisa y fortalise nos organisacion, como tambe promove desaroyo den su personal. Pa e motibo aki KPA ta trahando estrechamente cu Universidad di Aruba y a diseña un programa academico specialmente pa polis.

 

Den e programa cu ta hiba e nomber di KPA University Track a selecta 12 polis cu lo sigui 3 materia di e bachelor Organization, Governance and Management. E curso lo tin un duracion di 1 aña y ta wordo presenta pa Universidad di Aruba.

 

E coleganan lo wordo asigna tareanan practico cu ta pas den loke ta trata tareanan di seguridad externo y tambe tareanan di organisacion interno den KPA.

 

E meta ta pa ofrece e programa anualmente pa asina construi un desaroyo di conocemento duradero den Cuerpo Policial Aruba.

 

Exito na cada un di e coleganan cu a wordo escohi pa forma parti di e programma academico aki.