Diadomingo anochi a drenta informe di un accidente riba e caminda di Pavia pa Morgenster, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un chauffeur burachi a baha caminda y a bay dal riba e palo di lus. Afortunadamente ningun hende a resulta herida. Polis a detene e chauffeur pa core auto bao influencia y causa un accidente.
