Motociclista herida den un accidente na e rotonde Bushiri

Diabierna mainta a drenta informe di un accidente cu hende herida na e rotonde na Bushiri, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un motociclista coriendo riba e rotonde a perde control y a bay dal den un auto. El a cay y a sufri hopi rasca na diferente parti di su curpa. Na momento di e accidente e tabatin helm bisti. Aunque na prome instante e motociclista tabata cana y tabata mustra bon, Polisnan a dicidi di yama Ambulance pa motibo cu a constata cu no tabatin solamente rasca superficial pero algun herida tabata profundo. E mes no tabata kier a bay cu ambulance, pasobra e tabatin cos di bay haci. Pero finalmente a logra convence cu tabata pa su mesun bon y ora dolor a cuminsa dal e, ela acepta pa ambulans atende y hibe hospital,

Share:

0 thoughts on “Motociclista herida den un accidente na e rotonde Bushiri

Leave a Reply to Un biker Cancel reply

Your email address will not be published. Required fields are marked *