Atraco arma na Cheung Gong Minimarket na Appelsinastraat

Diasabra atardi a drenta informe di un atraco arma na Cheung Gong na Appelsinastraat den Dakota, mesora a dirigi varios patruya na e sitio. Na yegada di e patruya a a bin compronde cu un homber lomba sunu a drenta e lugar cu un cuchiu den man y a pasa man pa e placa pero
aparentemente na momento cu e yiu di e propietario kier a kita e placa for di dje, el a haci intento pa bay cu e yiu, al estilo di un secuestro. Pero atrobe e yiu a lucha y a logra kita e cuchiu pero e homber a logra bay cu e placa. E atracador a logra huy den un pick-up double cabin color cora y cu tabatin basta sla patras of tabata falta e bumper.
E yiu di e propietario a pasa den un susto grandi pa cual a pidi presencia di “slachtofferhulp” pa atende cu e victima. 
No ta conoci cuanto placa a bay cun’e pa motibo cu e empleado tabata demasiado spanta.

Share:

Leave a Reply

Your email address will not be published. Required fields are marked *