Diaranson atardi a drenta informe di un accidente na e rotonde pa bay hospital, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un chauffeur turista den un Nissan Versa biniendo for di rotonde Sasaki no a duna preferencia na e Ford Edge cu tabata riba e rotonde y e Edge a dal e Versa bir’e 90 grado. E impacto tabata na banda di e porta patras di e Versa. Afortunadamente ningun hende a resulta herida pero e accidente aki a obstaculisa e fluho di trafico.