Diahuebs mainta a drenta informe di un accidente na e rotonde banda di Ling & Sons, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un MG biniendo for di rotonde banda di Guardian no a para pa duna preferencia na e Chevrolet cu tabata riba e rotonde y a bay dal esaki na su porta banda drechi patras. Debi na e impacto e dama chauffeur di e Chevrolet a resulta herida. Na yegada di e ambulans nan a atende e dama.