Polisnan a logra captura tata cu a secuestra su mesun baby, den su huida ela lague cay sigur un 2 biaha

For di oranan tempran di mainta a drenta informe di cu un homber a yega bao influencia di un of otro substancia na un cas na Macuarima y a bay cu su yiu baby di menos di 2 aña y a bay cun’e. Polis a ser avisa cu e lo a bay na Balashi polis a bay na e cay ey pero no a encontra cun’e. Un rato despues polis a bolbe bay buske y no tabata haye. Poco mas despues a drenta informe cu e lo ta na Macuarima pra cu ela sinto cu polis ta au tras ela sigui core den e mondinan di Macuarima, Kas Ariba. Na Kas Ariba un polis a wak e cu e mucha, e tata a cuminza core cu e yiu riba su lomba den un trajecto chikito a logra mira e baby cay for di su lomba por lo menos 2 biaha, e polis a bati alarma y pidi refuerzo di patruya di doferente distrito y seccion. Te hasta famianan a ser pidi pa yuda busca. Polis a dicidi pa lanta helicopter pa yuda den e buskeda. Patruyanan mesora a cuminza para na diferente area y busca un informe a drenta cu e lo a ser mira na Siribana y Cashero. Na dado momento a spot e homber cu e baby a ser mira na Cashero pa Piedra Plat unda finalmente a logra captur’e y haya e baby. Nan a detene y a hib’e warda di polis mientras e mucha a ser hiba na un otro sitio unda por a revis’e.

Richard Lacle

Share:

Leave a Reply

Your email address will not be published.