Diahuebs mainta a drenta informe di un incidente na e rotonde Mahuma, mesora a dirigi un patruya na e sitio. Na yegada di e patruya a bin compronde cu aki ta trata di un incidente unda e chauffeur di un trekker lastrando un container pero debi cu ela tuma e birada mucho duro y cortico e container a perde balans y a cay. Afortunadamente e no a cay riba ningun hende y ningun hende a resulta herida. A tarda basta rato prome cu a logra libera e container di e situacion.