Diahuebs merdia a drenta informe di un accidente cu hende herida na Sero Biento, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un damita empleada di un “car rental” a slip riba un birada bay dal riba un kashi coriente banda di caminda. Debi na e impacto e dama a resulta herida. Na yegada di e ambulans nan a atende e damita y a transporte pa hospital.
