Diaranson mainta a drenta informe di un accidente cu hende herida banda di ex- Wema na Ponton, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur burachi di un Nissan March no a regula su velocidad ni a mantene distancia a bay dal tras di un Kia Rio y consecutivamente esaki a bay dal tras di e Honda Fit. Debi na e impacto e chauffeur di e Honda Fit a resulta herida. Mientras tanto polis a test y a detene e dama bao influencia mientras na yegada di e ambulans nan a atende e chauffeur levemente herida na e sitio mes.