Diasabra atardi a drenta informe di un incidente unda un turista a resulta herida dilanti Divi Dutch Village, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un incidente unda un turista riba un scooter electrico a baha for di e stupi y ora a bay subi bek a dal abao kap su cabes. Na yegada di e ambulans nan a atende e victima y a transporte pa hospital.
