Diamars mainta a drenta informe di un accidente cu hende herida na ecrusada Ponton banda di e pompstation, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda cu e auto cora a subi caminda sin a duna preferencia na e auto shinishi cu tabata bini di nort y nan a accidenta. Den e accidente aki 2 persona a resulta levemente herida. Na yegada di e ambulans nan a atende e 2 victima na e sitio mes.