Diabierna mainta a drenta informe di cu tin un auto na candela riba e rotonde di Santa Cruz, mesora a dirigi tanto polis como bombero na e sitio. Un patruya cu pa casualidad tabata serca a yega mesora baha bay paga e candela cu e extinguidor cu nan tin den nan patruya. Asina a tene e daño na minimo. Na yegada di e bombero nan a nota cu e candela ya a ser paga pa polis y a kita tambe e otro waya di e bateria. Segun nos por a compronde siman pasa e auto a regresa di un service.