Diasabra mainta ambulans pasando na Zeewijk a nota di cu tin un auto gebolter cu e banda di chauffeur den e awa, mesora a bati alarma y a dirigi tanto bombero como polis na e sitio. Na yegada di e bomberonan a drenta den e awa pero no logra haya hende den e auto pero pa mas sigur na yegada di polis a pidi pa un takelwagen pa asina saca e auto for di e awa. Despues di poco trabao takelwagen cu bomberonan a logra saca e auto for di den e awa y no a haya chauffeur den dje. Pa colmo e auto no tabata tin number di auto y polis a pensa cu lo por ta un auto procedente di ladronicia y a confisca esaki.