Diadomingo madruga a drenta informe di un accidente cu hende herida na Weg Sero Blanco, mesora a dirigi tanto polis como ambulans. Na yegada di e patruya a bin encontra cu un chauffeur cu a baha caminda na man robes den un bocht y a bay dal riba e cura di un cas. E chauffeur a declara cu ta cacho a crusa su dilanti y cu a pone perde control. Na yegada di e ambulans mesora nan a nota cu e chauffeur ta mas burachi cu herida. Polis mesora a detene.
