Diabierna mainta a drenta informe di un accidente cu hende herida dilanti Home Best supermarket na Sero Biento, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un motociclista a bay dal riba un van Chevrolet cu a bini di direccion contrario y a bira dilanti e brommer. Debi na e impacto e motociclista a resulta herida. Na yegada di e ambulans nan a atende e victima y a transporte pa hospital.