Diaranson anochi a drenta informe di un accidente cu hende herida banda di Bushiri Karting, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente frontal na un skina unda un Isuzu pick-up y un Suzuki Swift a topa otro. Debi na e impacto un persona a resulta herida. Na yegada di e ambulans nan a atende e victima na e sitio mes.
