Diadomingo anochi a drenta informe di un accidente cu hende herida dilanti Dior Minimarket na Pos Chikito, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente semifrontal entre un Toyota Mark X y un Chevrolet Aveo unda despues di e impacto e Aveo a bay dal un auto staciona. Debi na e prome impacto e chauffeur a resulta herida. Na yegada di e ambulans nan a atende e victima y a transporte pa hospital. Mientras a dete e chauffeur di e Toyota Mark X cual ta esun cu a hala demasiado na su man robes y a bay dal semi frontal.