Dialuna mainta a drenta informe di un accidente cu hende herida na Kunuku Abao, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur di un Nissan Versa Hatchback a bay baha for di caminda y a bay dal tras di un Hyundai i10 staciona banda di caminda. Debi na e impacto e dama chauffeur a resulta herida. Na yegada di e ambulans nan a atende e dama na e sitio mes.