Diahuebs madruga a drenta informe di cu un cacho lo a morde un peaton na Ponton, mesora a dirigi tanto polis como ambulans na e sitio. Na yegada di e patruya a bin compronde cu un peaton canado bayendo su cas a ser ataka y mordi pa un cacho riba caminda publico. Na yegada di e ambulans a compronde cu e cacho a atake den cercania y ela cana yega su cas pa bati alarma. Ambulans a atende e peaton pero esaki no kier a bay hospital y a ser atendi na su cas mes.