Awe ta un dia nobo cu nos ta lanta cu hopi bon deseo.
Nos kier gradici prome cu tur cos, nos bon Dios cu nos tin di gradici pa e rosea cu nos tin.
Nos ta den celebracion di dia di Betico.
Ceremonia Protocolario na Plaza Betico Croes, anochi manifestacion cultural.
Durante dia celebracion y benta di cuminda cryollo y cos dushi.
Asina henter Aruba ta celebra q.e.p.d. Betico su fecha di nacemento.
Claro cu nos parti pa Señor tambe ta keda vigente y como deber.
Kiko nos ta mira despues di 40 aña cu nos Status Aparte, hopi progreso, pero lastimamente pueblo a keda mesun pober of mas pober, mirando cu nos placa no bal mucho.
Bo ta jega cu fl 100, supermercado, pa bo keda asombra e poco coroto cu bo ta bai cas cune.
Nos tin di wanta nos curason pa e condicion di careteranan ora nos mester core nos auto.
Turismo ta hanja un mal imprecion, mirando nos isla con hopi bario tin lugarnan y casnan den mal condicion.
Ora e avionnan ta baha, ta e prome impresion ta crea cu no ta mustra un pais cu tanto entrada.
E turista mester bai hotelnan di piso, no ta un bista di coi gaba.
Mescos cu e turista crucero.
Nos no por sera wowo pesaki y mester trese e cos chikitonan aki, y trata na conserva o eleva nos pilar di economia.