Den e prome oranan di dialuna mainta 26 di January, e Centro di Operacionnan Maritimo di Guarda Costa (MOC) a ricibi un yamada di emergencia di un boto di carga cu tabata cerca di Curaçao. A bordo tabata tin un miembro di e tripulacion cu tabata tin mester asistencia medico urgente.
Ta trata di un empleado cu tabata sinti indispuesto. Su compañeronan miembro di tripulacion a encontra nan colegana suela y a yama mesora e servicio di yudansa.
E personal di (MOC) a pone nan mes den contacto cu e dokter di CITRO, kende a determina cu e pashent mester ricibi tratamento medico lo antes posibel na Curaçao Medical Center (CMC).
Mesora a activa e helicopter di Guarda Costa, cu a dirigi pa e boto di carga pa busca e pashent y trese pa Hato (Curaçao). Na su yegada, un ambulans tabata cla para pa hiba e pashent pa Curaçao Medical Center (CMC) pa ricibi tratamento medico adicional.