Diamars atardi a drenta informe di un accidente cu hende herida na Eagle Beach, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un dama turista coriendo riba step electrico a bay dal den banda casi ful patras di un bus pasando y a dal abao. E turista tabata keha di dolor di pecho y tabata tin herida na su rudianan. Na yegada di e ambulans nan a atende e turista na e sitio mes.