Diasabra madruga a drenta informe di un accidente cu hende herida na Piedra Plat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit & run unda un chauffeur a dal un motociclista y sigui core bay lagando e motociclista herida atras. Na yegada di e ambulans nan a atende e motociclista y a transporte pa hospital. E motociclista tabata falta apenas algun meter pa yega su cas. Polis ta enbusca di e chauffeur aki.