Diadomingo mainta a drenta informe di un accidente cu hende herida na Ponton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Honda Fit RHD cu a bay sali for di un cura pero a malcalcula e distancia y e velocidad di e pick-up cu tabata bini di zuid y esaki a bin dal e banda robes di e Fit heridando ambos yiu hoben sinta na banda robes den e auto. Na yegada di e 2 ambulansnan nan a atende y transporta ambos pa hospital.