Dialuna madruga a drenta informe di un accidente cu hende herida banda di e botica na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Toyota Vitz a bay dal riba e muraya di e botica na warda esaki despues di a accidenta na e rotonde Santa Cruz. Debi na e impacto fuerte aki e chauffeur a resulta herida. Na yegada di e ambulans nan a atende e victima herida y a transporte pa hospital.