Diabierna madruga a drenta informe di cu tin un pelea entre pareha unda ambos ta herida na Santa Cruz, mesora a dirigi polis y ambulans na e sitio. Na yegada di e patruya a bin compronde cu aki ta trata di un pelea di pareha unda cu e homber ta declara di a wordo hinca pa e dama. Ambulans a presenta pa atende e homber, a bin compronde cu e homber lo a hinca su mes ora e a bay ataca e dama. E dama lo a bai defende su mes y su yiu y den e pelea e homber lo a hinca su mes. Tambe a bin compronde cu e homber tambe lo a maltrata e dama y e homber lo a kibra e glas di auto. Polis a detene e homber  y e dama tambe a ser hiba cu polis pa e duna su declaracion. Un rato despues dos ambulans mester a presenta na warda pa transporta ambos pa hospital pa e heridanan ricibi.