Dialuna merdia a drenta informe di un accidente cu hende herida dilanti di KFC Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto saliendo for di e pompstation a subi sali sin duna preferencia na e motociclista y a dal e. Debi na e impacto e motociclista a resulta herida na su pia. Na yegada di e ambulans nan a atende y a transporte pa hospital.
