—-Cuerpo Policial Ta Informa—-
BINGO! UNIT NARCOTICA CU ENTRADA HUDICIAL, 1 DETENCION Y UN CANTIDAD GRANDI DI DROGA Y PLACA CONFISCA
Diabierna atardi Unit Narcotica a haci un entrada hudicial na un percela na Noord den bario di Kamay. Trabou duro y un investigacion relampago a conduci cu a canta bingo!
A encontra un gran cantidad di placa tambe droga. Tur esakinan a keda confisca.
A detene tambe un hende homber naci na Aruba di 62 aña.
Pa e accion aki a haci uzo di diferente departamento di Cuerpo Policial. Entre otro Flex Team, polis uniforma, K-9 Unit, BFTO y RRT.
E accion aki tin di haber cu bendemento di droga for di percela.
Cuerpo Policial ta keda haci un apelacion na nos comunidad cu sa algo of a wak algo pa yama e tiplijn di polis cu ta 11141. Bo ta keda anonimo.
