Diasabra anochi a drenta informe di cu tin un homber cara tur na sanger sinta abao dilanti un cas na Companashi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un homber di edad cual tabata coriendo bicicleta y na dado momento ela perde balans y a cay riba su cara cual tabata sangrando. Na yegada di e ambulans nan a atende e victima y a transporte pa hospital. Polis a avisa su famia y a duna un familiar e bicicleta pa bay na su cas cual no ta mucho leu for di eynan.