Diadomingo madruga a drenta informe di un accidente cu hende herida na e rotonde di Bushiri, mesora a dirigi tanto polis como ambulans na e sitio. Na yegada di e patruya a bin compronde cu algun persona a bin haya un manehador di un Harley Davidson benta abao cu sanger na cara y e motocicleta mes benta un banda. Ta calcula cu e manehador lo por a pega soño of lo a bira malo y su so cu su so a accidenta. Na yegada di e ambulans nan a atende y a transporte pa hospital.