Diadomingo merdia a drenta informe di un accidente cu hende herida na Madiki, mesora a dirigi tanto polis como ambulans na e sitio. Na yegada di e ambulans nan a atende e chauffeur cu tabata keha di dolor na pecho. Na yegada di e patruya ya ambulans tabata terminando di atende e victima. Segun por a compronde e chauffeur despues di a bira den e caya a perde control bay banda robes di e caminda y dal fuertemente e palo di lus unda hasta un waya a los.