Diamars atardi a drenta informe di un accidente cu hende herida na e crusada Double Down pa subi Sasakiweg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Kia Picanto no a regula su velocidad ni a mantene distancia a bay dal tras di e Toyota Yaris su dilanti. Debi na e impacto e dama chauffeur di e Yaris a resulta herida, Na yegada di e ambulans nan a atende e victima y a transporte pa hospital.