Siman pasa durante e reunion di despedida a combersa cu e “Chef de Mission” cu lo ta encarga cu e delegacion na e Weganan Suramericano di Hubentud Panama2026. Jonathan Wever cu tin e tarea aki ta conta mas di e reunion ameno cu a tuma luga y ta brinda mas informacion general den conexion di e Weganan Panama2026.

Durante e reunion di despedida e presidente di Comite Olimpico Arubano (COA) Sra. Wanda Broeksema a hiba palabra y asina a splica tambe su rol como miembro di e comite ehecutivo di ODESUR, cu ta e organisacion cu ta maneha e Weganan Suramericano. Wanda ta forma parti di e comision di siguimento pa cu e Weganan Panama2026, unda cu a haci e trabou extensivo di percura cu tur cos ta cla y di nivel pa asina mas cu 2000 atleta di 15 diferente pais por tin un tremendo experiencia y haci nan mihor esfuerso na e Weganan.

Pa mas informacion di kico a wordo conta, por mira e video aki unda Jonathan y Wanda ta elabora di tur cos TEAMARU y Panama2026.