—Cuerpo Policial Ta Informa—

Unit Narcotica ta desmantela plantacion di marihuana na Savaneta; dos detencion oficial

Diaranson den ora di mainta, Unit Narcotica a tene un entrada hudicial na un cas na Savaneta. Esaki tabata en conexion cu un plantacion di marihuana.
Durante e entrada hudicial a haya un total di 62 mata di marihuana. A detene e hende homber L.R.J.V.D.N., naci na Aruba di 25 aña, y e hende homber G.C.R., naci na Aruba di 55 aña.

Durante e entrada hudicial a haci uzo di e unidad di K-9, Flex Team y RRT.

Cuerpo Policial ta reafirma su compromiso cu seguridad di nos isla y ta recorda comunidad cu cooperacion di cada ciudadano ta crucial. Si bo tin informacion riba cualkier actividad ilicito, yama e tiplijn di Polis na 11141. Bo informacion ta keda estrictamente confidencial.