Diabierna Santo marduga a drenta informe di un accidente cu hende herida na e rotonde Ponton riba E.J. “Watty” Vos blvd., mesora a dirigi tanto polis ambulans como tambe e equipo di rescate como cu un auto a bolter y lo tabata tin hende pega den auto. Na yegada di e patruya a nota cu tin 2 hende herida y ambos ta pafor di e auto. Ambos tabata conciente y na yegada di e 2 ambulansnan a atende e victimanan y transporta nan pa hospital. Investigacion policial haci na e sitio ta indica cu e chauffeur di e Honda Fit biniendo cu velocidad halto for di e rotonde banda di Cas Casuela sin para y a dal na e muraya bay halto bolter bay dal un Toyota Vitz biniendo for di nort.