Awe nos ta sera siman di trabou y nos tin dos dia di sosiego.
Nos ta gradici Sen̈or pa otro siman exitoso y pa su bondad pa guia nos tur momento di nos bida.
Awendia cu tanto cosnan negativo cu ta pasando den e mundo aki
Atrobe ta observa e stof di Sahara y ta pidi tur persona cu ta sufri di un malesa respiratorio pa keda paden.
Tanto bombardiamento den otro paisnan cu sigur ta laga e aire hopi contamina.
Prijsnan di combustible haltisimo cu tin consecuensia pa tur cartera di pueblo, mirando e aumento di tur servicio y comestible.
Pueblo mester un alivio pronto.
Pueblo kier compacion.
Pueblo ta cansa di ta victima semper di tur e desasternan aki y cu cada bes mester bira víctima.
Mal maneho, pesimo situacion mundial, gastonan sin cu nos por a pensa cu nos lo hanja nos mes confronta cu nan.
Nos ta un pais cu tabata tin un entrada di 4 biyon pa anja, ta 4.000.000.000
Unda e placa ta bai ?
Pakiko no a traha un reserva drechi pa den tempo manera awendia ?
Pakiko golpi tras di golpi pa pueblo y ningun gobierno no ta tene cuenta cu nos.
Tempo di Covid, otro desaster y miyones a bai perdí atrobe.
Pueblo kier por hala rosea y biba riba un pais cu riba papel ta un di e paisnan mas rico den nos existencia.
Entrada pa cabes hopi halto y toch nos ta mustra un pais cu hopi decadencia, careteranan deplorable, un seguro medico den explota. Un fondo di pensioen cu mester bolbe bai fia den exterior.
Unda nos ta bai ??