Polisnan a wordo yama pa un pickup cu lo mester a piki un turtuga for di beach na Bushiri

Dialuna mainta a drenta informe di cu lo mester tini un pick-up cu lo a piki un turtuga for di beach na Bushiri, mesora a dirigi polis na e sitio pa averigua un co otro. Patruya a bin topa e pickup den Constantijn Huygenstraat. Aki a bin compronde cu ta trata di e fundacion TurtugAruba cu lo mester a encontra un turtuga (Karet) morto riba e beach y lo a tuma esaki pa hasi investigacion na e causa di su morto. TurtugAruba ta esnan cu ta sera y marca e area pa cu neishi di turtuga. Ta temporada atrobe cu turtuga ta subi beach pa pone webo, si cualkier persona por wak un turtuga subi laman pa pone webo por yama pa raporta esaki na 592-9393 pa asina por bin marca y sera e area pa proteha e neishi.

Richard Lacle

Share:

Leave a Reply

Your email address will not be published.