Diadomingo atardi a drenta informe di un accidente cu hende herida na Jaburibari, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Nissan March a bay sali for di su cas y pa motibo desconosi ela sali bay dal riba kashi di coriente di cas di su bisiña. Debi na e impacto fuerte e chauffeur a resulta herida. Na yegada di e ambulans nan a atende e chauffeur y a transporte pa hospital.