Danki Señor pa por lanta mainta riba otro bon dia, danki pa por hala rosea y gosa di un bunita bista di mainta tempran.
Danki pa por skucha con bunita e pajaritonan ta trese melodianan pa alegra nos curason.
Un dicho ta bisa : cu pasenshi bo ta aki awe, y cu pasenshi bo ta aya mayan.
Esta tambe : cu pasenshi bota gana Gloria.
Hesus a resucita y ta jega cielo.
Mision cumpli.
Awo ta nos hendenan mester cumpli y sigi leynan di Dios.
Spirito Santo ta nos guia, pa nos sigi den bon caminda.
Spirito Santo ta mustra nos un spiel, pa nos wak con nos ta, y pa guia nos cu humildad y confiansa pa nos por keda den bon caminda y no perde den bida.
Spirito Santo ta bini manera un candela di amor.
Un triangulo hopi celestial di Dios, Spirito Santo y Hesus.
E central entre Dios y Hesus, ta e Spirito Santo.
Hesus a bisa nos, si nos kier jega serka Dios, nos mester jega serka Hesus prome.
Aki e Spirito Santo ta funciona y forma un schakel importante den nos bida.
Nos bida ta un complejo hopi bunita cu tur cos agradabel, perfectamente hinka den otro.
Nos tin un bida cu ta cuminsa di baby te ora nos bira grandi y jega na e momento pa duna cuenta na Señor.
Mescos cu cada dia bunita hinka den otro, cu manera nos lanta y gradici Señor, tur cos ta cana segun planja, cu nos ta sera cada dia cu enorme plaser y gratitud.