Diaranson anochi a drenta informe di un accidente na e crusada di Sabana Liber, mesora a dirigi tanto polis como ambulans na e sitio. Na yegada di patruya a bin compronde cu aki ta trata di un auto sin lus bayendo pabao y pickup Nissan Frontier cu a cuminsa subi e crusada na ultimo momento a ripara e auto sin lus y a dal para pa e no dal den dje y net ora ela para un Jeep Cherokee cu tabata bini di pabao a bay dal riba e pickup. Debi na e fuerte impacto 2 persona a resulta herida. Na yegada di e ambulans nan a atende ambos victima na e sitio mes.