Diaranson atardi a drenta informe di un accidente cu hende herida na e rotonde Cumana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Chevrolet Spark no a duna preferencia ora ela a bay subi e rotonde net ora cu un Kia Rio Hatchback ta pasando y a bay dal riba dje. Debi na e impacto un dama a resulta levemente herida. Na yegada di e ambulans nan a atende e victima y a transporte pa hospital.