Diasabra atardi a drenta informe di un accidente cu hende herida na Tanki Flip, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Honda Fit no a regula su velocidad ni a mantene distancia a bay dal tras di un Hyundai Accent, Den e accent tabata tin un persona cu su pia a bay dal na e dashboard abao y a resulta herida. Na yegada di e ambulans nan a atende e victima y a transporte pa hospital.