Nos ta habri otro dia cu nos wowo bon habri pa gosa di otro bunita día aki.
Nos tin previlegio di por hala rosea, y mester bisa aki rosea di aire puro, pero lastima ajera di un aire contamina.
Nos ta gradici nos bon Dios pa e bendicion aki.
Semper mustra nos mes cu hopi confiansa y sigur riba cada dia.
Manera nos ta bisa cu nos ta den un mundo cu masha hopi complicacion di aire y awa pa bebe.
Pa no papia mes di e flora cu ta sufri pisa pa tur sorto di construction cu ta tumando lugar sin control sin plania kiko ta keda pa pueblo por biba felis.
No papia mes di e resto di mundo cu paisnan cu hopi sushedad y contaminacion.
E fiesta cu nos a caba di celebra cu ta e fiesta di San Juan, ta un fiesta di cunukero y ta pa proteha e cosecha nobo contra tur sorto di plaga y malesa di mata.
Ta kima foyonan cu bichinan maligno pa e plantacion y ta kima cunan e limpiesa di e cunuco pa un anja nobo di plantación.
Hunto cu e kimamento aki cunukeronan ta celebra un bon cosecha y ta pidi Señor pa awasero y bon crecimento di plantación nobo.
Awendia ta sende bulto grandi di tereno hasi limpi, lubidando yuiwananan den holnan y parhanan den e bultonan, ariba dje cu tin boanan como peliger grandi caba.
Hopi famia den e huma peligroso pa nan salud, hende cu pulmonia of otro malesa di rosea ta lomba contra muraya pasobra unda cu bai sconde ta mescos ta keda.
Babynan ta hala rosea di aire cu huma.
Tur e ciudadanonan cu a jega di hanja problema cu covid tambe ta sufri.
Ta sende candela pa loco sin pensa riba e concecuencianan pa nos mes.
Hopi tristo, pasobra hopi pais na mundo ta lucha pa aire fresco, nos mes ta caba cu nos hendenan.